Stúdentapólitík er heimskuleg

Það er sorglegt en satt, stúdentapólitíkinni við Háskóla Íslands er heimskuleg. Það er ákaflega auðvelt að skilja hvers vegna meirihluti stúdenta neitar að taka þátt í vitleysunni og sleppir því að kjósa. Háskólalistinn var stofnaður af því að hópur stúdenta sá að það var leið upp úr þessum sandkassaslag sem stúdentapólitíkin er. Leiðin er einstaklingskosningar.

Fólk sem býður sig fram á eigin forsendum myndi ekki lenda í sama skotgrafahernaði og einkennir stúdentapólitíkina í dag. Að minnsta kosti myndi það ekki erfa slíkar deilur frá fyrirrennurum sínum. Það hlýtur að teljast mjög undarlegt að milli tveggja fylkinga í hagsmunabaráttu stúdenta séu dregnar átakalínur Kalda stríðsins. “Lýðræðissinnar” gegn “félagshyggjufólki”.

Stúdentar eiga betra skilið. Hagsmunabarátta stúdenta er of mikilvæg til þess að lenda í höndunum á stúdentapólitíkusum. Hjálpið okkur að breyta þessu kerfi.

Oft dræm kjörsókn í Háskólanum

Gjörbreytt kosningakerfi

Þegar Háskólalistinn kynnti framboðslista sinn til Stúdentaráðs nú nýverið voru um leið boðaðar tillögur um gjörbreytt kosningakerfi. Breytingatillögurnar ganga í stuttu máli út á það að í stað þess að stúdentar kjósa lista fólks til setu í Stúdentaráði þá verði kosið einstaklingskosningu beint í nefndir ráðsins. Nefndamenn sitja svo í Stúdentaráði og stjórn þess, sem skipuð er eftir ákveðnum leiðum sem nánar er greint frá í breytingatillöglunum.

Tillögurnar samanstanda annars vegar af formlegu skjali þar sem borin eru saman lög Stúdentaráðs eins og þau eru í dag, og lögin eftir breytingu skv. tillögum okkar. Hinsvegar fylgir skjal með athugasemdum við tillögurnar í heild sinni, ásamt skýringum við einstakar greinar laganna.

Þessar tillögur hafa ekki verið meitlaðar í stein og er það von okkar Háskólalistafólks að um þær muni skapast lífleg og málefnaleg umræða, enda er ætlunin með framlagningu þeirra sú að leita leiða til að sameina stúdenta í hagsmunabaráttunni. Það er einlæg von okkar að sem flestir kynni sér þessar hugmyndir með opnum en gagnrýnum huga, og eru allar athugasemdir og ábendingar um það sem betur má fara velkomnar.

Breytingatillögurnar í heild.
Um breytingatillögurnar.

Stúdentaráðskosningar í HÍ 7. og 8. febrúar

Formannsefni?

Í stofnskrá Háskólalistans stendur:

Háskólalistinn mun fyrir kosningar til Stúdentaráðs kynna fulltrúa sinn til formennsku í Stúdentaráði. Það hlýtur að vera skýlaus krafa stúdenta við Háskóla Íslands að hafa fyrirfram vitneskju um hver komi til með að vera þeirra helsti talsmaður á komandi kjörtímabili.

Í fyrra tók Vaka upp á því að kynna formannsefni sitt fyrir kosningar og gerir það einnig í ár.  Háskólalistinn hefur alltaf gert þetta.  Röskva virðist ekki ætla að fylgja í kjölfarið þó flestir sem til þekkja séu nokkuð viss um hver muni verða þeirra kandídat í það embætti.

Það væri áhugavert að fá álit lesenda á þessu og því er skoðanakönnun hér til hliðar.  Smellið og virkjið þannig lýðræðið. 

Í fótspor Háskólalistans

Það er einstaklega ánægjulegt að Vaka hafi haldið áfram að taka Háskólalistann sér til fyrirmyndar og kynna formannsefni sitt.  Það hefur Háskólalistinn gert frá upphafi enda er það þarft í þeim tilgangi að skýra línurnar.

Háskólalistinn kynnti sinn framboðslista á föstudaginn líka.  Hann má finna hér. 

Framboðslisti Vöku kynntur

Háskólalistinn á Moggablogginu

Hér er ætlunin að fjalla um hagsmunabaráttu stúdenta við Háskóla Íslands.